Ek beti ka safar.....
Hum sab ke gharon main betiyan hoti hai.. Ya hum aas pass kai khelti muskurati chanchal betiyon ko dekhte hai....
Aaj yaha hai kal kahi aur kisi ke ghar ko mahkayegi... Par kabhi aapne ye socha hai is ghar se us ghar tak ka safar kesi tay karti hai ye.... Nahi na....
Jab betin janam leti hai , usi din se usake Ma Papa usake liye sapane sanjona shuru kar dete hai... Usaki khushi main haste hai, usake gam main rote hai, usake sath khelate hai, usake sath padhte hai... bahut pyari jimmedari hoti hai ye betiyan....
Usako bada hota dekh jitani khushi hoti hai ma baap ko utana hi gam bhi hota hai ye soch kar ki usake is ghar se jane ke din karib aa rahe hai....
Hum betiyan , humesha apne ma papa ke sapno ko pura karne me lagi rahti hai , aur unhi ki khushi ko apni khushi samjh kar khush hona sikh leti hai....
kabhi papa kahte hai tumhe class main sabse ache number lana honge , kabhi ma samjhati hai tumhe sabse sunder lagna hai... Kabhi dadi kahti hai tumhe ghar ka sara kaam aana chahiye... Kabhi bhai kahta hai mere sare assignment tumhe hi karne honge...
Jab class main first aate hai to papa garv se sabko kahte hai "pata hai humari beti is baar class main first aayi hai" badi khushi hoti hai unhe is tarah khush dekh kar...
Jab koi ye kahta hai "kya baat hai aapki beti to bahut sunder hai , ma khushi se jhum uthati hai...."
Dadi ko apni saheliyon se batiyate hue ye kahna acha lagta hai" humari bachi to ab ghar ka sara kaam karne lagi hai"....
Aur bhai use to her waqt order chalane ke liye, Usaki her galti chupane ke liye , use ma ki tarah pyar dene ke liye ek bahan mil jati hai...
Par Hum ye sochana to bhul hi jate hai hume kya pasand hai , hume kya acha lagta hai, hume kya karna hai....
Aur aise hi ek din aa jata hai jab hume apna sab kuch chod kar us ghar jana padta hai jaha ki her chiz humare liye anjaan hoti hai.... Ma baap ko bhi na chah kar apne jigar ke tukade ko bari man se vida karna padta hai....
Ladki ka to Ye soch kar hi man saham jata hai ki waha kese rahege jaha apna kahne ko kuch nahi , na ma papa, na bhai , na bahan, na apna room, na sakhi , na saheliya....bachpan se jo samhal kar rakhe the khilone unhe aise hi chod kar jana hoga..
Kise kahege dil ki her baat, kise kahege papa hume ye chahiye , kise kahege ki bhukh lagi hai ma kuch bana do, kise kahege dadi sir main tel laga do.... Bahut khuch khona padta hai her mod par aur bahut kuch apnana bhi padta hai her mod par....
Shayad ek ladki hi ye kar sakti hai anjaano me bhi apno ko dhundh leti hai, unhe apna bana hi leti hai, unki tarah jeena phir se sikh jati hai, unki khushiyon me phir se khush hone lagti hai, ek naya ghar basa hi leti hai......
